Capacent hefur í gegnum tíðina veitt bönkum, sparisjóðum, tryggingafélögum og lífeyrissjóðum þjónustu einkum á sviði markaðsmála, mannauðsmála og upplýsingatækni. Fjármálafyrirtæki standa nú frammi fyrir endurmati á allri starfsemi og skipulagi í ljósi breyttra aðstæðna og hafa orðið að endurmeta stjórnarhætti og stjórnunarferla í framhaldi af því.
Raunhæfur samanburður við önnur fyrirtæki
Í gegnum árin hefur Capacent komið að öllum mælingum sem stóru bankarnir hafa látið að gera, mælt markaðinn og markaðsstöðu þeirra, ímynd og tryggð viðskiptavina gagnvart bönkum, staðið fyrir starfsmannakönnunum og metið hvernig auglýsingaefni hefur komið út. Þungamiðjan í þessum mælingum hefur verið sú hvernig megi bæta þjónustu við viðskiptavini, auka starfsánægju og styrkja markaðsstöðu. „Þar sem þessar kannanir eru víðtækar gefa þær fyrirtækjum sem starfa í fjármálageiranum raunhæfan samanburð á því hvernig önnur félög í sama geira standa,“ segir Páll Ásgeir Guðmundsson, ráðgjafi hjá Capacent. „Nú sem fyrr er gríðarlega mikilvægt að mæla viðhorf viðskiptavina gagnvart fyrirtækjum, ekki síst fjármálafyrirtækjum. Fólk er orðið gagnrýnna á það sem það fær og er lofað og er virkara að færa sig um set ef ekki er rétt að málum staðið.“
Starfsfólki þjappað saman
Eftir þau áföll sem dundu yfir fjármálageirann hafa fjármálafyrirtæki leitast við að þjappa starfsfólki sínu saman um nýja og sameiginlega framtíðarsýn. Þar hefur Capacent gert vinnustaðagreiningar og skipulagt stóra vinnustaðafundi, þar sem allir starfsmenn geta tekið þátt og sagt sínar skoðanir. Í öllum tilvikum hefur þessi umræða og skipulag á umræðuferli meðal starfsmanna stuðlað að jákvæðri stemmningu fyrir endurmati og breytingum á nýrri framtíð.
Nánari upplýsingar:
Þröstur Sigurðsson (throstur.sigurdsson@capacent.is)
Páll Ásgeir Guðmundsson (pall.gudmundsson@capacent.is)