Starfsfólk

Agla Sigr. Björnsdóttir hefur starfaði við ráðningar og ráðgjöf til viðskiptavina og umsækjenda frá árinu 1997. Frá árinu 2000 hefur hún gengt starfi Ráðningarstjóra Vinna.is. Agla hefur haldið fjölda námskeiða og fyrirlestra á vegum Capacent, auk þess sem eftir hana hafa birst fjölmargar greinar tengdar atvinnulífinu. Agla sat í ritnefnd Veru frá 1995-2000 og hafa greinar og viðtöl eftir hana birst í Veru.

Arnar er með MA próf í stjórnsýslufræðum frá Birmingham háskóla í Bretlandi og BA próf í stjórnmálafræði frá HÍ. Hann hefur einkum sinnt verkefnum á sviði stefnumótunar, rekstrar- og stjórnsýsluúttektum og fjármálum ríkis og sveitarfélaga. Arnar hefur verið ráðgjafi stjórnenda ráðuneyta, stofnana, sveitarfélaga og félagasamtaka. Hann starfaði sem stjórnsýsluráðgjafi hjá ParX frá stofnun þess fyrirtækis en hóf störf við ráðgjöf hjá PricewaterhouseCoopers árið 1998. Arnar var fagstjóri stjórnsýsluráðgjafar frá árinu 2000 og partner frá árinu 2006. Hann var sérfræðingur á fjárlagaskrifstofu fjármálaráðuneytisins frá 1995-1998.

Arnar starfaði áður sem sérfræðingur í félagsmálaráðuneyti og ráðgjafi hjá ParX – viðskiptaráðgjöf IBM. Í verkefnum sínum hefur Arnar starfað fyrir fjölda ráðuneyta, stofnana og sveitarfélaga á sviði stefnumótunar og rekstrar. Arnar hefur einnig sinnt rekstrar- og stjórnsýsluúttektum og tekið að sér verkefnisstjórnun á sviði rafrænnar stjórnsýslu.

Auður Bjarnadóttir lauk prófi í Stjórnmálafræði frá Háskóla Íslands árið 1991. Auður hefur starfað við val og öflun á starfsfólki frá 1993. Á þeim tíma hefur Auður ráðið um eitt þúsund manns í vinnu og hefur unnið jafnt að ráðningum í sérfræðinga- og stjórnunarstöður fyrir einkafyrirtæki sem og opinbera aðila.

Ágústa starfaði hjá Arionbanka og forverum hans í 28 ár og gegndi þar ýmsum störfum, lengst af stjórnunarstörfum. Síðustu 6 árin var hún útibússtjóri á Egilsstöðum. Ágústa hefur lokið diploma námi í viðskipta- og rekstrarfræði frá H.Í. og sótt fjölmörg námskeið á vegum Arionbanka í gegnum árin, eins og t.d. Stjórnunarskóla sem bankinn setti upp fyrir stjórnendur í samvinnu við Háskólann í Reykjavík. Ágústa sat í bæjarstjórn og bæjarráði Austur-Héraðs (nú Fljótsdalshérað), ásamt ýmsum nefndum á vegum sveitarfélagsins. Þar vann hún mikið að æskulýðs- og íþróttamálum ásamt skólamálum. Einnig hefur hún setið í stjórnum fyrirtækja sem og áhugamannafélögum.

Árni Haukur Árnason, ráðgjafi á sviði upplýsingatækni og hugbúnaðarleyfa. Hann er með meistaragráðu í upplýsingatækni (Information Technology - Multi Media) frá Árósarháskóla og MCP í Licensing og Software Asset Management. Hann hefur á undanförnum árum starfað sem sérfræðingur hjá Opnum kerfum og Teris.

Ása Björk er með B.Sc.-gráðu í rekstrarverkfrði frá Háskólanum í Reykjavík og er að ljúka M.Sc.-gráðu í iðnaðarverkfræði frá Háskóla Íslands. Hún hefur réttindi sem atvinnuflugmaður og hefur starfað sem flugkennari.

Ása Karin er með Cand.merc frá Odense Universitet. Hún hefur reynslu af ráðgjöf fyrir fjölbreyttan hóp viðskiptavina á sviði stefnumótunar, skipulags, markaðs- og þjónustumála. Í gegnum ráðgjafaferilinn hefur hún komið mikið að innleiðingu á stjórnsýslubreytingum, stefnumótun og ýmisskonar breytingum hjá fyrirtækjum og stofnunum. Verkefni sem Ása Karín hefur komið að eru m.a. innleiðing stefnumiðaðs árangursmats, mótun upplýsingastefnu, kortlagning ferla ofl. hjá fjöldamörgum stofnunum og fyrirtækjum. Ása Karín hefur einnig komið töluvert að þjálfun og kennslu fyrir Capacent. Ása Karín hefur starfað sem ráðgjafi hjá Capacent síðan 2000.

Ásta hefur stýrt starfsmanna- og mannauðsmálum hjá Háskólanum í Reykjavík, Íslenskri erfðagreiningu og Hagkaupum auk þess að stunda kennslu og rannsóknir á sviði stjórnunar og mannauðsstjórnunar. Hún er einn af stofnendum CRANET rannsóknaverkefnisins um íslenska mannauðsstjórnun og hefur aðstoðað mörg fyrirtæki og stofnanir við að ná árangri gegnum betri stjórnun mannauðs. Meðal sérsviða Ástu í ráðgjöf er að nýta hin fimm tæki mannauðsstjórnunar, þ.e. mönnun, fræðslu, endurgjöf, launastjórnun og innri boðskipti, til að innleiða stefnu fyrirtækja og stofnana og styðja sókn þeirra að mikilvægum markmiðum. Í janúar 2012 kemur út í 2. útgáfu hjá JPV-útgáfu bókin Starfsmannaval eftir Ástu og hún hefur starfað í fjölmörgum hæfnis- og valnefndum vegna ráðninga í lykilstöður. Ásta er með doktorspróf í vinnu- og skipulagssálfræði frá frá University of Minnesota 1997.

Birgir Hrafn er tölvunarfræðingur frá Háskóla Íslands, með MBA gráðu frá Virginia Tech Pamplin School of Business. Birgir hefur einkum unnið við rekstrar- og fjármálaráðgöf, viðskiptalíkön, hvatakerfi og hlunnindi. Auk þess hefur hann sinnt stundakennslu við viðskiptadeild Háskólans í Reykjavík. Birgir hefur starfað sem ráðgjafi hjá Capacent síðan 2006.

Birgir Karl Óskarsson er fjármálaráðgjafi hjá Capacent. Sérsvið hans eru ráðgjöf varðandi reikningsskil og skatta, verðmöt, áætlanagerð og áreiðanleikakannanir. Birgir Karl er löggiltur endurskoðandi og starfaði áður sem endurskoðandi hjá KPMG. Einnig hefur hann starfað fyrir dótturfélög Icelandair Group og sem sjálfstæður uppgjörsaðili og endurskoðandi."

Bjarki er með B.Sc. Í tölvunarfræði með viðskiptafræði sem aukagrein frá Háskólanum í Reykjavík. Hann er að ljúka M.Sc. í tölvunarfræði frá Háskólanum í Reykjavík. Bjarki hefur viðamikla reynslu af hönnun og þróun upplýsingakerfa svo sem flotaeftirlitskerfa (mobile resource management), virðisaukandi þjónusta fyrir farsímakerfi og IPTV/3G lausna. Bjarki hefur starfað sem ráðgjafi hjá Capacent síðan 2009.

Björt lauk BA prófi í sálfræði (með kynjafræði sem aukagrein) frá HÍ árið 2007. Þar á eftir hélt hún utan í Mastersnám í mannauðsstjórnun í Háskólanum í Lundi. Hún lauk því námi árið 2008. Síðastliðin tvö ár hefur hún sótt námskeið á meistarastigi í Heilsuhagfræði við HÍ, ásamt vinnu. Áður en Björt kom til Capacent árið 2011 vann hún hjá Vinun - ráðgjafar og þjónustumiðstöð. Frá árinu 2005 til 2009 vann hún á Geðdeild Landspítalans og var þar áður um skamma hríð hjá Ríkisútvarpinu við framkvæmd og stjórnun útsendinga.

Elín Friðjónsdóttir hefur starfað við val og öflun á starfsfólki frá árinu 2007. Elín er lærður hársnyrtir auk þess sem hún stundaði nám hjá NTV skólanum í sölu-, markaðs- og rekstrarfræðum.

Elvar var einn af stofnendum Teymis og var framkvæmdastjóri fyrirtækisins árin 1995-2002. Elvar setti á laggirnar og var framkvæmdastjóri Microsoft Íslandi árin 2003-2006. Að því búnu starfaði hann sem stjórnandi hjá Microsoft í Rússlandi og Austur-Evrópu og höfuðstöðvum Microsoft í Þýskalandi um nokkurra ára skeið. Elvar útskrifaðist í sumar sem leið með meistarapróf í viðskiptafræðum (MBA) frá Kentháskólanum í Canterbury. Elvar er jafnframt tölvunarfræðingur að mennt frá Kaliforníuháskóla.

Guðmundur er með MBA með áherslu á stjórnun upplýsingakerfa og stjórnun, M.Sc. í upplýsingatækni frá Bentley University og B.Sc. í viðskiptafræði (áhersla á vörustjórnun) frá Háskólanum í Reykjavík. Guðmundur er ráðgjafi á sviði rekstar og fjármála, upplýsingatækni, vörustjórnunar og stjórnendaupplýsinga, Guðmundur hefur starfað sem ráðgjafi hjá Capacent síðan 2008.

Guðrún Anna er fjármálaráðgjafi hjá Capacent. Hún er viðskiptafræðingur frá Háskóla Íslands og er með mastersgráðu í fjármálum og stefnumótun frá Copenhagen Business Shchool. Guðrún Anna starfaði í 8 ár hjá Kaupþingi og vann einkum við áhættustýringu og gerð greininga á fyrirtækjum og bönkum.

Gunnar Haugen lauk B.A. gráðu í Sálfræði frá Háskóla Íslands árið 1998 og tveimur árum síðar meistaragráðu í atferlisgreiningu frá Southern Illinois University – Carbondale. Gunnar hefur starfað við rágjöf frá árinu 2000 og sem framkvæmdastjóri ráðningasviðs Capacent frá árinu 2004. Gunnar hefur veitt ráðgjöf við gerð fjölda ráðningaferla og ráðningaákvarðana, auk þess að sinna ýmsum ráðgjafastörfum og kennslu. Áherslur Gunnars hafa verið á val og frammistöðumat, gæðaþjónustu og smíði hvata- og bónuskerfa.

Hafliði er kerfisfræðingur frá Háskólanum í Reykjavík. Hafliði er ráðgjafi á sviði stjórnendaupplýsinga og áætlanagerða. Hafliði hefur starfað sem ráðgjafi hjá Capacent síðan 1997.

Hallbjörn með B.Sc. í vöruferilsstjórnun frá Háskóla Íslands. Hallbjörn er ráðgjafi á sviði samstæðuuppgjöra, áætlanagerðar, árangursstjórnunar og auk þess að sinna fjármálaráðgjöf. Hallbjörn hefur starfað sem ráðgjafi hjá Capacent frá fyrri hluta 1998.

Helga Jónsdóttir, hefur starfað við val og öflun starfsfólks frá árinu 1987. Helga hefur á ferli sínum unnið við hundruð ráðninga, jafnt í sérfræðinga- og stjórnunarstöður fyrir einkafyrirtæki sem og opinbera aðila.

Hilmar Garðar Hjaltason hefur í starfað við ráðningar frá 1998 og hefur á ferli sínum unnið við hundruð ráðninga og skimað þúsundir umsækjenda. Frá 2004 hefur Hilmar sérhæft sig í störfum sem krefjast þekkingar á banka- og fjármálamarkaði og stjórnunarstörfum í rekstrarumhverfi.

Hjalti er viðskiptafræðingur frá Háskóla Íslands. Hjalti hefur aðallega starfað í árangursstjórnun, áætlanagerð og ferlaþróun, auk verkefna tengdum upplýsingatækni. Hjalti hefur starfað sem ráðgjafi hjá Capacent frá 2007.

Hólmar er iðnaðarverkfræðingur með MBA gráðu frá Purdue University í Bandaríkjunum. Hólmar hefur reynslu úr framleiðslu og þjónustufyrirtækjum á sviði neytendavöru, flutningaþjónustu og sjávarútvegs. Hólmar var um árabil framkvæmdastjóri Atvinnuþróunarfélags Eyjafjarðar og starfaði þar í tengslum við fjölbreytt fyrirtæki, stofnanir og frumkvöðla. Hann hefur komið að og stýrt verkefnum á sviði stefnumótunar, árangurs- og þjónustustjórnunar hjá stofnunum, sveitarfélögum og fyrirtækjum. Hann hefur einnig þjálfað verkefna- og sölustjórnun. Hólmar hóf störf hjá Capacent ráðgjöf í ársbyrjun 2006.

Ingvi er iðnaðartæknifræðingur að mennt og hefur 15 ára reynslu af ráðgjöf á ýmsum sviðum. Ingvi varð partner hjá KPMG árið 1999 og síðar hjá KPMG Ráðgjöf og hefur verið framkvæmdastjóri Capacent Ráðgjafar frá janúar 2007 og svo forstjóri Capacent síðan 2008. Hann hefur sinnt ráðgjöf og stýrt verkefnum á sviði rekstrar, stjórnunar og fjármála fyrir mörg af stærstu fyrirtækjum landsins.

Jóna Björk Sigurjónsdóttir lauk B.Ed prófi frá Kennaraháskóla Íslands árið 1997 og hefur stundað meistaranám í mannauðsstjórnun frá Háskóla Íslands. Frá 1998-2004 starfaði hún hjá Opera Software í Noregi og frá 2004-2006 hjá Símanum. Jóna Björk hefur starfað við ráðningar síðan 2007.

Jónína Guðmundsdóttir lauk prófi í Viðskiptafræði frá Háskólanum á Akureyri árið 2002 og meistaragráðu í mannauðsstjórnun í ferðaþjónustu frá Strathclyde háskólanum í Skotlandi árið 2003. Jónína hefur starfað sem ráðgjafi í ráðningum hjá Capacent frá árinu 2005. Hún hefur aðsetur á Akureyri, en sinnir ráðgjöf og þjónustu til fyrirtækja um allt land.

María Jóhannsdóttir hefur starfað sem ráðningarfulltrúi frá árinu 1999. María hefur umsjón með gerð atvinnuauglýsinga, er í samskiptum við umsækjendur og fyrirtæki auk þess sinnir hún fjölda sérverkefna fyrir Ráðningarsviðið.

Ottó er viðskiptafræðingur af endurskoðunarsviði frá Háskóla Íslands, ásamt því að vera með löggildingu í verðbréfamiðlun. Ottó er ráðgjafi á sviði rekstrar og upplýsingatækni og hefur sinnt fjölmörgum verkefnum á sviði innkaupamála, þarfagreininga, vals og innleiðingar á upplýsingakerfum. Hann hefur einnig annast verkefni á sviði útvistunar launaþjónustu, ferlagreininga, vörustjórnunar, stefnumótunar í upplýsingatækni og stjórnendaupplýsinga. Ottó hefur starfað sem ráðgjafi hjá Capacent frá 2001.

Ólafur er kerfisfræðingur frá Rafiðnaðarskólanum, er með MCSE gráðu frá Microsoft og hefur auk þess lokið ýmsum námskeiðum á sviði öryggismála, SharePoint og í almennum rekstri. Ólafur hefur starfað hjá Capacent frá árinu 1998 og hefur gegnt starfi forstöðumanns upplýsingatæknimála KPMG, ráðgjafa í öryggismálum með áherslu á stjórnkerfi upplýsingaverndar (ISO27001), Úthýstur Öryggisstjóri hjá Tryggingamiðstöðinni 2006, framkvæmdastjóri hjá Capacent IT Services 2006-2008, CIO hjá Capacent International og gegnir nú starfi sem ráðgjafi í upplýsingatækni hjá Capacent.

Ragnheiður S. Dagsdóttir lauk prófi í Stjórnmálafræði frá Háskóla Íslands árið 1992. Ragnheiður hefur starfað við val og öflun á starfsfólki frá 1998. Ragnheiður hefur unnið fjöldamörg ráðningaverkefni til fyrirtækja í almennum atvinnurekstri sem og í opinberar stöður og fyrir sveitarfélög.

Sigríður hefur m.a. starfað sem nýsköpunarráðgjafi hjá Innovit, við gerð viðskiptaáætlunar á sviði viðskiptaþróunar fyrir Íslandspóst og ritari dagskrárstjóra innlendrar dagskrár hjá Rúv.

Sigurbergur Árnason er sérfræðingur í Microsoft hugbúnaðarleyfum. Hann hefur starfað við sérhæfða ráðgjöf á því sviði síðan 2004 og hefur vottun frá Microsoft.

Sigurður er MBA frá Háskólanum í Reykjavík og C.Sc. véla- og iðnaðarverkfræðingur frá Háskóla Íslands. Sigurður var 3 ár hjá VBS fjárfestingarbanka og leiddi þar fjárstýringu, fjármögnun og rekstur auk úrvinnsla mála á skulda- og eignahlið bankans í kjölfar kerfishrunsins 2008. Þar áður starfaði hann í 10 ár sem ráðgjafi á sviði vörustjórnunar og upplýsingatækni.

Sigurjón er MBA, kennari, matreiðslumeistari og hefur meðal annars verið í eigin rekstri. Hann hefur sérhæft sig í þjálfun liðsheilda, tengingu starfsmanna við gildi og tekið þátt í innleiðingu stefnumótunar m.a. sem stjórnandi vinnuhópa. Sigurjón hefur starfað sem ráðgjafi hjá Capacent síðan 2005.

Silja lauk B.A.-gráðu í stjórnmálafræði vorið 2008. Hún hóf störf hjá Capacent í nóvember 2011 en hafði þá unnið hjá hinu opinbera í fjögur ár, m.a. við ráðningar.

Steingrímur er með MPA-gráðu frá Harvard Kennedy School og B.A. gráðu í stjórnmálafræði frá Háskóla Íslands. Nám í þýsku og stjórnmálafræði við Trier-háskóla í Þýskalandi. Steingrímur starfaði sem blaðamaður og síðar fréttastjóri á Morgunblaðinu í hálfan annan áratug og var aðstoðarmaður menntamálaráðherra 2004-2009. Hann hóf störf hjá Capacent í ársbyrjun 2010.

Styrmir starfaði hjá Varnaliðinu frá árinu 1994 sem Chief IT Administrator til ársins 2006. Starfaði Styrmir hjá Opnum Kerfum sem ráðgjafi þar sem hann sá um rekstur upplýsingakerfa ýmissa fyrirtækja og stofnana, hjá Capacent International sem CTO og starfar nú hjá Capacent sem ráðgjafi.

Sæmundur Melstað er með BS-gráðu í tölvunarfræði frá Háskóla Íslands. Hann var upplýsingatæknistjóri Húsasmiðjunnar árin 1991-2001 og síðan sem framkvæmdastjóri upplýsingatækni hjá sama fyrirtæki árin 2001-2011. Sæmundur er með um 25 ára reynslu í rekstri á upplýsingatæknikerfum, innleiðingu hugbúnaður og nýtingu upplýsingatækni sem samkeppnistækis.

Tómas Bjarnason er með B.A. gráðu í félags- og fjölmiðlafræði frá Háskóla Íslands, stundaði doktorsnám í félagsfræði við háskólann í Gautaborg. Tómas hefur unnið við ýmiskonar rannsóknir frá 1988 og stundakennslu við HÍ frá 1999. Tómas hefur starfað hjá Capacent frá árinu 2000 við fyrirtækja- og starfsmannarannsóknir.

Tómas Oddur Hrafnsson lauk prófi í Stjórnmálafræði frá Háskóla Íslands árið 2005. Tómas hefur starfað á ráðningarsviði Capacent frá árinu 2007 við val og öflun starfsfólks. Hjá Capacent hefur Tómas komið að ráðningum á stjórnendum og sérfræðingum, bæði í einkageiranum sem og hjá hinu opinbera auk þess að sjá um ráðningar í álver Alcoa á Reyðarfirði.

Vilmar er BA í félagsfræði og félagsráðgjöf frá Háskóla Íslands og með MS.c gráðu í Euromanagement frá Norwegian School of Management. Vilmar er leiðtoga- og stjórnendaþjálfari hjá Capacent. Vilmar hefur starfað sem ráðgjafi hjá Capacent frá 2000.

Víðir er viðskiptafræðingur (cand. Oecon) frá Háskóla Íslands. Víðir er ráðgjafi á sviði árangursstjórnunar og áætlanagerðar. Víðir hefur starfað sem ráðgjafi hjá Capacent frá 2005.

Þórður er hópstjóri í stefnumótunarhópi Capacent. Hann er Cand Oecon frá HÍ og Cand Merc frá Viðskiptaháskólanum í Kaupmannahöfn (CBS). Hefur starfað við ráðgjöf á sviði stefnumótunar, skipulags og stjórnunar, og markaðsmála í 15 ár, en var áður m.a. markaðsstjóri Íslandsbanka fyrstu fimm ár þess banka. Hefur áralanga og fjölbreytta reynslu á þessu sviði, en er auk þess aðjúnkt í markaðsfræði og alþjóðaviðskiptum við Háskóla Íslands.